கொட்டி தீர்த்த கனமழை வாகன ஓட்டிகள் அவதி....

சேலம் மாவட்டம் சங்ககிரி மற்றும் அதன் சுற்றுவட்டார பகுதிகளில் ஒரு மணி நேரத்திற்கு மேலாக வெளுத்து வாங்கிய கனமழை வாகன ஓட்டிகள் கடும் அவதி.... கீழடுக்கு சுழற்சி காரணமாக தமிழகத்தில் பல்வேறு மாவட்டங்களில் மழை பெய்யும் என வானிலை ஆய்வு மையம் அறிவித்திருந்தது அதன்படி சேலம் மாவட்டம் சங்ககிரி வட்டத்திற்குட்பட்ட அரசிராமணி தேவூர் சுற்றுவட்டார பகுதிகளில் காலை முதல் வெயில் வாட்டி வந்த நிலையில் திடீரென மாலை வேளையில் லேசான காற்று வீசியதை தொடர்ந்து இடி, மின்னலுடன் தேவூர், அரசிராமணி செட்டிப்பட்டி, குள்ளம்பட்டி, மூலப்பாதை, காவேரிப்பட்டி, வட்ராம்பாளையம், மோட்டூர் உள்ளிட்ட பல்வேறு பகுதிகளில் ஒரு மணி நேரத்திற்கும் மேலாக வெளுத்து வாங்கியது . இதனால் தாழ்வான பகுதிகளில் மழைநீர் தேங்கி நின்றாதோடு சாலைகளில் மழைநீர் பெருக்கெடுத்து ஓடியது இதனால் வாகன ஓட்டிகள் பெரும் சிரமத்திற்கு உள்ளாகினர். மேலும் திடீரென பெய்த கனமழையால் வெப்பம் தணிந்து குளிர்ந்த நிலவியதால் அப்பகுதி பொதுமக்களும், விவசாயிகளும் மகிழ்ச்சி அடைந்துள்ளனர்.