நாணய வெளியீட்டு விழாவில் பங்கேற்க முதல்வர் அழைப்பு விடுத்ததார்-வானதி சீனிவாசன்!

கோவை அரசு கலைக்கல்லூரியில் இன்று நடைபெற்ற தமிழ் புதல்வன் திட்டம் துவக்க விழாவில் கோவை தெற்கு தொகுதி எம்எல்ஏ வானதி சீனிவாசன் கலந்து கொண்டார். வானதி சீனிவாசனுக்கு விழா மேடையில் இடம் ஒதுக்கப்பட்டிருந்தது.நிகழ்ச்சி நிறைவடைந்த பின்னர் கிளம்பிய முதலமைச்சர் வானதி சீனிவாசனை பார்த்தவுடன் அவருடன் சிறிது நேரம் மேடையில் பேசினார்.இதுகுறித்து வானதி சீனிவாசனிடம் கேட்ட பொழுது தமிழ்ப்புதல்வன் நிகழ்வில் பங்கேற்றதற்கு முதல்வர் தனக்கு நன்றி தெரிவித்து கொண்டார் எனவும் இந்த கல்லூரி தன்னுடைய தொகுதியில் வருகின்றது என அவரிடம் தெரிவித்ததாக கூறினார்.மேலும் கோவை விமான நிலைய விரிவாக்கம் தொடர்பாகவும் கோவை தெற்கு தொகுதி உட்கட்டமைப்பு தொடர்பாகவும் நேரில் பேச நேரம் ஒதுக்க முதல்வரிடம் கோரிக்கை விடுத்ததாகவும் அவர் கண்டிப்பாக பேசலாம் என்று தெரிவித்தாக கூறினார்.மேலும் வரும் 18 ம் தேதி "கலைஞர்" நாணயம் வெளியிட்டு விழாவில் பங்கேற்க வேண்டும் என முதல்வர் தனக்கு அழைப்பு விடுத்தார் எனவும் அனைத்து கட்சி தலைவர்களும் பங்கேற்கின்றனர் நீங்களும் பங்கேற்க வேண்டும் என முதல்வர் தன்னிடம் சொன்னதாக வானதி சீனிவாசன் தெரிவித்தார்.