திருச்செங்கோடு விவேகானந்தா பொறியியல் கல்லூரியில் சாலை பாதுகாப்பு விழிப்புணர்வு கருத்தரங்கம் நடைபெற்றது

நாமக்கல் மாவட்ட ஆட்சித்தலைவர் மருத்துவர் உமா அவர்கள் விபத்தில்லா நாமக்கல் மாவட்டமாக்க பல்வேறு நடவடிக்கைகளை எடுத்து வருகிறார்.அதில் முக்கியமாக பள்ளி மற்றும் கல்லூரி மாணவர்களுக்கு சாலை பாதுகாப்பு விழிப்புணர்வு ஏற்படுத்த அனைத்து பள்ளி கல்லூரிகளிலும் சாலை பாதுகாப்பு மன்றம் துவங்கி தொடர்ச்சியாக விழிப்புணர்வு நிகழ்ச்சிகள் நடத்தப்பட்டு வருகிறது.இன்று திருச்செங்கோடு வட்டார போக்குவரத்து அலுவலர் சரவணன் தலைமையில் சாலை பாதுகாப்பு மன்ற மாவட்ட தொடர்பு அலுவலர் சி.ஆர்.இராஜேஸ் கண்ணன் மற்றும் கல்லூரி முதல்வர் முனைவர் விஜயகுமார் முன்னிலையில் நடைபெற்றது. இக் கருத்தரங்கில் சாலை பாதுகாப்பு பயிற்சியாளர் நரசிம்மமணி சாலை பாதுகாப்பு போக்குவரத்து விதிகள் குறித்து பயிற்சி அளித்தார்.இக்கருத்தரங்கில் கல்லூரியின் வாகன ஓட்டுநர்கள் ஆசிரியர்கள் மற்றும் மாணவிகள் 300 க்கும் மேற்பட்டோர் கலந்து கொண்டனர்