பள்ளி மேலாண்மை குழு உறுப்பினர்கள் தேர்வு

நாமக்கல் மாவட்ட முதன்மை கல்வி அலுவலர் மு மகேஸ்வரி வழிகாட்டுதலின்படி திருச்செங்கோடு ஒன்றியத்தில் முதல் கட்டமாக 30 தொடக்கப் பள்ளிகளில் எஸ் எம் சி மறு கட்டமைப்பு நடத்தப்பட்டது. இந்த நிகழ்வில் புதிய 24 உறுப்பினர்களை ஒவ்வொரு பள்ளியிலும் தேர்வு செய்தனர். இவ் உறுப்பினர்களின் பதவிக்காலம் இரண்டு ஆண்டுகள். தொடக்கப் பள்ளிகளில் தலைமை ஆசிரியர்கள் எஸ் எம் சி மறுக்கட்டமைப்பு செய்வதை நியமிக்கப்பட்ட சிறப்பு பார்வையாளர்கள் வட்டார கல்வி அலுவலர்கள் மேற்பார்வையாளர் ஆசிரியர் பயிற்றுனர்கள் மற்றும் மாவட்ட ஆட்சியர் அவர்களால் நியமிக்கப்பட்ட சிறப்பு அலுவலர்கள் பார்வையிட்டனர். பள்ளி மாணவர்களின் பெற்றோர்களின் பெண் உறுப்பினர்களை தலைவராக தேர்வு செய்யப்பட்டனர். இம் மறு கட்டமைப்பில் சிறப்பு நிகழ்வாக முன்னாள் மாணவர்கள் நான்கு நபர்களை தேர்வு செய்யப்பட்டது.