தடா கோவில் அருகே நடந்து சாலையை கடக்க முயன்றவர் மீது டூவீலர் மோதி விபத்து.

தடா கோவில் அருகே நடந்து சாலையை கடக்க முயன்றவர் மீது டூவீலர் மோதி விபத்து. கரூர் மாவட்டம், அரவக்குறிச்சி தாலுகா, தடா கோவில் பகுதியைச் சேர்ந்தவர் கந்தசாமி வயது 46. இவர் ஆகஸ்ட் 8ஆம் தேதி இரவு 7:30- மணி அளவில், கரூர்- திண்டுக்கல் சாலையில், தடா கோவில் ஆர்ச் அருகே சாலையின் குறுக்கே கடந்து நடந்து செல்ல முற்பட்ட போது, கரூர் மாவட்டம், அரவக்குறிச்சி தாலுக்கா, மாரியம்மன் கோவில் தெருவை சேர்ந்த சண்முகம் மகன் கௌதம் வயது 25 என்பவர் வேகமாக ஓட்டி வந்த டூ வீலர், நடந்து சென்ற கந்தசாமி மீது மோதி விபத்து ஏற்பட்டது. இதில் பலத்த காயமடைந்த கந்தசாமியை மீட்டு தனியார் ஆம்புலன்ஸ் மூலம் கரூரில் உள்ள அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த கந்தசாமியின் மனைவி தீபா வயது 43 என்பவர் அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், டூவீலரை வேகமாகவும், அஜாக்கிரதையாகவும் ஓட்டி விபத்து ஏற்படுத்திய கௌதம் மீது வழக்கு பதிவு செய்துள்ளனர் அரவக்குறிச்சி காவல்துறையினர்.