வெள்ளகோவில் அருகே தீயணைப்பு துறையினர் விழிப்புணர்வு

வெள்ளகோவில் அருகே வெள்ளப்பெருக்கு தற்காப்பு குறித்து தீயணைப்புத்துறையினர் சார்பில் பொதுமக்களுக்கு விழிப்புணர்வு ஏற்படுத்தப்பட்டது. வெள்ளகோவில் - தாராபுரம் சாலையில் உள்ள அக்கரைப் பாளையம் அமராவதி ஆற்றங்கரையில் நடந்த இந்த விழிப்புணர்வு நிகழ்ச்சிக்கு வெள்ளகோவில் தீயணைப்பு நிலைய அலுவலர் (பொறுப்பு) சோமசுந்தரம் தலைமை தாங்கினார். ஆற்றில் வெள்ளப்பெருக்கு ஏற்பட்டால் ஆற்றங்கரை ஓரம் வசிப்பவர்கள் எப்படி தற்காத்துக் கொள்வது என்பது பற்றி விளக்கி கூறப்பட்டது. மேலும் வளர்ப்பு ஆடு, மாடுகளை தண்ணீரில் இருந்து பாதுகாப்பு அது குறித்தும் விவசாயிகளுக்கு எடுத்து கூறப்பட்டது. இதில் அப்பகுதி உள்ளாட்சிப் பிரதிநிதிகள், பொதுமக்கள், விவசாயிகள் பலர் கலந்து கொண்டனர்.