தனியார் பள்ளியில் சுதந்திர தின விழா நடைபெற்றது

ஈரோடு பள்ளிபாளையம் சாலையில் அமைந்துள்ள ,நந்தி மெட்ரிக் மேல்நிலைப் பள்ளியில் 78-வது சுதந்திர தின விழா நிகழ்ச்சி நேற்று நடைபெற்றது. இந்த நிகழ்ச்சிக்கு பள்ளியின் தலைவர் மற்றும் தாளாளர் டாக்டர் சி.என்.ராஜா பங்கேற்று ,சுதந்திரப் போராட்ட வீரர் பகத்சிங்கின் வீரதீர செயல்கள் பற்றி எடுத்துரைத்து சிறப்புரையாற்றினார். பள்ளியின் முதல்வர் ராஜேஷ் வரவேற்புரை ஆற்றினார் . இந்த நிகழ்வில் சிறப்பு விருந்தினராக மருத்துவர் டி.கணிக்காச்சலம் கலந்துகொண்டு, மூவர்ண தேசிய கொடியை ஏற்றி சிறப்புரையாற்றினார். பல்வேறு போட்டிகளில் பங்கேற்ற மாணவ, மாணவிகளுக்கு பரிசுகள் வழங்கப்பட்டது. 50-க்கும் மேற்பட்ட மாணவ ,மாணவிகள் சுதந்திரப் போராட்ட வீரர்களின் வேடம அணிந்து வந்து, தங்கள் கலைத்திறமையை வெளிப்படுத்தினர். மேலும் மாணவ மாணவிகளின் கலை நிகழ்ச்சிகளும் நடைபெற்றது. பள்ளி ஆசிரியை பத்மா அவர்கள் நன்றியுரை கூற சுதந்திர தின விழா நிறைவு பெற்றது.