தொடக்க வேளாண்மை கூட்டுறவு கடன் சங்க திறப்பு விழாவிற்கு வருகை தந்த எம்எல்ஏ மற்றும் ஆட்சியருக்கு உற்சாக வரவேற்பு.

தொடக்க வேளாண்மை கூட்டுறவு கடன் சங்க திறப்பு விழாவிற்கு வருகை தந்த எம்எல்ஏ மற்றும் ஆட்சியருக்கு உற்சாக வரவேற்பு. கரூர் மாவட்ட கூட்டுறவுத் துறை சார்பில், கரூர் மாவட்டம் , சின்னதாராபுரம் அருகே உள்ள எல்ல மேடு பகுதியில் முடிகணம் தொடக்க வேளாண்மை கூட்டுறவு கடன் சங்க எல்லமேடு கிளை திறப்பு விழா இன்று எல்லமேடு பகுதியில் நடைபெற்றது. இந்த விழாவில் பங்கேற்க வந்த அரவக்குறிச்சி எம்எல்ஏ இளங்கோவிற்கு கட்சி நிர்வாகிகள், ஒப்பந்ததாரர்கள், மற்றும் கூட்டுறவு சங்க இணை பதிவாளர் கந்தராஜா உள்ளிட்டோர் சால்வை அணிவித்தும்,பெட்ஷீட் வழங்கியும் உற்சாக வரவேற்பு அளித்தனர். வரவேற்பை ஏற்றுக்கொண்ட எம்எல்ஏ இளங்கோ அனைவருக்கும் நன்றி தெரிவித்தார். இதனைத் தொடர்ந்து நிகழ்ச்சி நடைபெறும் இடத்திற்கு வந்த மாவட்ட ஆட்சியர் தங்கவேல் அவர்களுக்கு எம்எல்ஏ இளங்கோ பொன்னாடை அணிவித்து வரவேற்பு தெரிவித்தார். இதனைத் தொடர்ந்து கட்சி நிர்வாகிகளும் மாவட்ட ஆட்சியர் தங்கவேலுக்கு பொன்னாடை அணிவித்தும் உற்சாக வரவேற்பு அளித்தனர்.