மாவட்ட தடகள போட்டியில் ஒலிம்பியன் ஸ்போர்ட்ஸ் அகாடமி மாணவ- மாணவிகள் சாதனை

சேலம் மாவட்ட அளவிலான ஜூனியர் தடகள சாம்பியன்ஷிப் விளையாட்டு போட்டிகள் பெரியார் பல்கலைக்கழக விளையாட்டு திடலில் நடந்தது. ஒலிம்பியன் ஸ்போர்ட்ஸ் அகாடமி மாணவர்கள், ஆண்கள் பிரிவில் 111 புள்ளிகளை பெற்று முதல் இடமும், பெண்கள் பிரிவில் 42 புள்ளிகளை பெற்று 3-வது இடமும் பிடித்தனர். ஒட்டுமொத்த சாம்பியன் பட்டத்தை (எஸ்.டி.ஏ.டி) அணி கைப்பற்றியது. இதில் சேலம் ஜாகீர் அம்மாபாளையம் ஒலிம்பியன் ஸ்போர்ட்ஸ் அகாடமி 153 புள்ளிகளுடன் மாவட்ட அளவில் 2-வது இடத்தை பெற்று சாதனை படைத்தது. சாதனை மாணவர்களுக்கு ராஜேந்திரன் எம்.எல்.ஏ. கலந்து கொண்டு பரிசு கோப்பை வழங்கி பாராட்டினார். விழாவில் விளையாட்டு மேம்பாட்டு அணி அமைப்பாளர் அன்புக்கரசு, புனித பால் மேல்நிலைப்பள்ளி தலைமை ஆசிரியர் அலெக்ஸ் பிரபு, இயக்குனர் சண்முகவேலு உள்பட பலர் கலந்து கொண்டனர். பதக்கம் வென்ற ஒலிம்பியன் ஸ்போர்ட்ஸ் அகாடமி வீரர், வீராங்கனைகளை மாவட்ட தடகள சங்க செயலாளரும், ஒலிம்பியன் ஸ்போர்ட்ஸ் அகாடமி செயலாளர் ஜெயபிரகாஷ், நிர்வாகிகள் மற்றும் பலர் பாராட்டி வாழ்த்து தெரிவித்தனர்.