சேலம் பழைய பேருந்து நிலையம் பகுதியில் மோட்டார் சைக்கிள் திருட்டு

சேலம் அம்மாபேட்டையை சேர்ந்தவர் ரமேஷ் (வயது 49). தனியார் நிறுவனத்தில் டிரைவராக வேலை பார்த்து வருகிறார். இவர் சம்பவத்தன்று பழைய பஸ் நிலையம் அருகில் மோட்டார் சைக்கிளை நிறுத்தி விட்டு சென்றார். சிறிது நேரத்திற்கு பிறகு வந்து பார்த்த போது மோட்டார் சைக்கிள் திருட்டுபோனது தெரிந்தது. இதுகுறித்து அவர் சேலம் டவுன் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.