பைக் மோதி விபத்தில் விவசாயி பலி

தியாகதுருகம் அருகே பைக்கில் சாலையை கடக்க முயன்ற விவசாயி, பைக் மோதி இறந்தார்.தியாகதுருகம் அடுத்த சோமநாதபுரம் கிராமத்தைச் சேர்ந்தவர் பெரியசாமி, 50; விவசாயி. இவர் கடந்த 19 ம் தேதி மதியம் 2:00 மணிக்கு சின்னமாம்பட்டு பஸ் நிறுத்தம் அருகே பைக்கில் சேலம் - சென்னை நான்கு வழிச்சாலையைக் கடக்க முயன்றார்.அப்போது பின்னால் வந்த பைக் பெரியசாமி மீது மோதியது. தலையில் பலத்த காயம் அடைந்த அவர் கள்ளக்குறிச்சி அரசு பொது மருத்துவமனையில் சேர்க்கப்பட்டு அங்கு, நேற்று காலை இறந்தார்.புகாரின்பேரில், தியாகதுருகம் போலீசார் வழக்குப் பதிந்து விசாரிக்கின்றனர்.