சேலம் அரசு ஆஸ்பத்திரியில் கைதிக்கு சிகிச்சை

சேலம் மாவட்டம் எடப்பாடி சமுத்திரம் பகுதியை சேர்ந்தவர் தனபால் (வயது 47). இவர் ஜெயலலிதாவின் கார் டிரைவர் கனகராஜின் அண்ணன் ஆவார். தனபால் தாரமங்கலம் போலீஸ் சப்-இன்ஸ்பெக்டர் அழகுதுரையை பணியில் இருந்த போது அவதூறாக பேசி மிரட்டியதாக கூறப்படுகிறது. இதுதொடர்பாக தாரமங்கலம் போலீசார் வழக்குப்பதிந்து அவரை கைது செய்து சேலம் மத்திய சிறையில் அடைத்தனர். இந்த நிலையில் சிறையில் நேற்று அவருக்கு திடீரென உடல்நலக்குறைவு ஏற்பட்டது. இதையடுத்து அவர் சிகிச்சைக்காக சேலம் அரசு ஆஸ்பத்திரியில் சேர்க்கப்பட்டார். அங்கு அவருக்கு டாக்டர்கள் சிகிச்சை அளித்து வருகின்றனர்.