பழுது நீக்க வந்த பேருந்தில் இருந்து பேட்டரி மற்றும் டீசல் திருட்டு. காவல்துறை வழக்கு பதிவு.

பழுது நீக்க வந்த பேருந்தில் இருந்து பேட்டரி மற்றும் டீசல் திருட்டு. காவல்துறை வழக்கு பதிவு. கரூர் மாவட்டம், சின்னான்டாங் கோயில் ராம்சக்தி நகரை சேர்ந்தவர் வெங்கடேஷ் வயது 38. இவர் அப்பகுதியில் பஸ் பாடி கட்டும் நிறுவனம் நடத்தி வருகிறார். இவரது நிறுவனத்துக்கு பராமரிப்பு பணிக்காக வந்த பேருந்தை அருகில் உள்ள மணவாடியில் உள்ள தனியார் பள்ளி வளாகத்தில் நிறுத்தி உள்ளார். இந்த நிலையில் ஆகஸ்ட் 19 பேருந்தில் இருந்த நான்கு பேட்டரிகள் 20 லிட்டர் டீசல் ஆகியவற்றை மர்ம நபர்கள் திருடி சென்றுள்ளதாக கூறப்படுகிறது. இதனை அறிந்த பஸ்பாடி நிறுவன உரிமையாளர் வெங்கடேஷ், பழுது நீக்க வந்த பேருந்தில் இருந்து பேட்டரி மற்றும் டீசல் களவாடப்பட்டுள்ளதாக காவல் நிலையத்தில் புகார் அளித்தார். புகாரை பெற்றுக் கொண்ட காவல்துறையினர் இது தொடர்பாக சம்பவ இடத்தில் விசாரணை மேற்கொண்டு,இது தொடர்பாக வழக்கு பதிவு செய்து, பேட்டரி மற்றும் டீசல் திருடிய மர்ம நபர்கள் குறித்து விசாரணை மேற்கொண்டு வருகின்றனர் வெள்ளியணை காவல்துறையினர்.