கிருஷ்ணராயபுரம் அருகே நின்று கொண்டு இருந்த லாரி மீது டூவீலர் மோதி ஒருவர் உயிரிழப்பு.

கிருஷ்ணராயபுரம் அருகே நின்று கொண்டு இருந்த லாரி மீது டூவீலர் மோதி ஒருவர் உயிரிழப்பு. கரூர் மாவட்டம், வெங்கமேடு, சோழ நகர் முதல்கிராஸ் பகுதியை சேர்ந்தவர் பாஸ்கர் வயது 45. இவர் ஆகஸ்ட் 22ஆம் தேதி அதிகாலை 2- மணி அளவில், கரூர்- திருச்சி சாலையில் அவரது டூவீலரில் சென்று கொண்டு இருந்தார். இவரது வாகனம் கிருஷ்ணராயபுரம் யூனியன் ஆபீஸ் அருகே சென்றபோது, சாலையோரம் நிறுத்தி இருந்த TN 36 L 0727 என்ற எண் கொண்ட லாரி மீது மோதி விபத்து ஏற்பட்டது. இந்த விபத்தில் படுகாயம் அடைந்த பாஸ்கரை மீட்டு, கரூர் அரசு மருத்துவக் கல்லூரி மருத்துவமனைக்கு கொண்டு சென்றனர். அங்கு பாஸ்கரை பரிசோதித்த மருத்துவர்கள் ஏற்கனவே உயிர் இழந்து விட்டதாக தெரிவித்தனர். இந்த சம்பவம் அறிந்த பாஸ்கரின் மனைவி இந்துமதி வயது 34 என்பவர், இது குறித்து காவல்துறையினருக்கு அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், உயிரிழந்த பாஸ்கரின் உடலை உடற்கூறு ஆய்வுக்காக கரூர் அரசு மருத்துவ கல்லூரி மருத்துவமனை சவக்கிடங்குக்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர் மாயனூர் காவல்துறையினர்.