விருத்தாசலம் அருகே இளம் பெண் மாயம்

கடலூர் மாவட்டம் விருத்தாசலம் அடுத்த பெரிய வடவாடி, மாரியம்மன் கோவில் தெருவை சேர்ந்த ராஜா மனைவி சலித்மேரி (வயது.40). இவர்களுக்கு ஒரு ஆண், 2 பெண் குழந்தைகள் உள்ளதாக கூறப்படுகிறது. இதில், வாதியின் 2வது மகள் ஜெரினா (வயது.19) என்பவர் பிளஸ் 2 முடித்துவிட்டு வீட்டில் இருந்து வந்ததாகவும், 19ஆம் தேதி காலை விருத்தாசலம் சென்று காய்கறிகள் வாங்கிக்கொண்டு மீண்டும் மதியம் வீட்டிற்கு வந்து பார்த்தபோது, வீட்டில் இருந்த ஜெரினாவை காணவில்லை என்றும் மங்கலம்பேட்டை காவல் நிலையத்தில் சலித்மேரி கொடுத்த புகாரின்பேரில் ,போலீசார் வழக்குப் பதிவு செய்து, இளம் பெண் காணாமல் போய்விட்டாரா அல்லது யாரேனும் அவரை கடத்திச் சென்றனரா? என்பது குறித்து விசாரணை நடத்தி வருகின்றனர்.