உங்களைத் தேடி உங்கள் ஊரில்’ திட்ட முகாம் : ஆட்சியர் தகவல்!

ஏரல் வட்டத்தில் வரும் 28, 29 தேதிகளில் ‘உங்களைத் தேடி உங்கள் ஊரில்’ திட்ட முகாம் நடைபெறவுள்ளதாக மாவட்ட ஆட்சியர் க.இளம்பகவத் தெரிவித்துள்ளார். இது குறித்து அவர் வெளியிட்டுள்ள செய்திக்குறிப்பு: ‘உங்களைத் தேடி உங்கள் ஊரில்’ திட்டத்தின்படி, மாவட்ட ஆட்சியர் தலைமையில் அனைத்து அரசு அலுவலர்களும் மாதம் ஒரு நாள் மாவட்டத்தில் உள்ள வட்டத்தில் தங்கி முகாமிட்டு அனைத்து துறை அலுவலகங்கள் மற்றும் திட்டங்கள் குறித்து ஆய்வு மேற்கொள்வர். அதன்படி, இத்திட்ட முகாம் ஏரல் வட்டத்தில் வரும் 28 ஆம் தேதி காலைமுதல் அடுத்தநாள் காலை வரை நடைபெறவுள்ளது. பொதுமக்கள் தங்களின் கோரிக்கை மனுக்களை மாவட்ட ஆட்சியரிடம் வட்டாட்சியர் அலுவலகத்தில் மாலை 4.30 மணி முதல் 6 மணி வரை அளிக்கலாம். மேலும், பொது மக்கள் தங்கள் வாழ்விட முன்னேற்றத்திற்கு தேவையான கருத்துகளையும், கோரிக்கை மனுக்களையும் வழங்கலாம் என அவர் தெரிவித்துள்ளார்.