நல்லகுமாரன்பட்டி அமராவதி ஆற்றில் தவறி விழுந்த முதியவர் நீரில் மூழ்கி உயிரிழப்பு.

நல்லகுமாரன்பட்டி அமராவதி ஆற்றில் தவறி விழுந்த முதியவர் நீரில் மூழ்கி உயிரிழப்பு. கரூர் மாவட்டம், அரவக்குறிச்சி தாலுகா, தும்பிவாடி அருகே உள்ள பசுபதிபாளையம் பகுதியைச் சேர்ந்தவர் மருதமுத்து வயது 64. இவர் ஆகஸ்ட் 22 ஆம் தேதி மாலை 4 மணி அளவில், கொடையூர் கிராமம் நல்லகுமாரன் பட்டி பகுதியில் உள்ள அமராவதி ஆற்றை கடந்து சென்று கொண்டிருந்தார். அப்போது எதிர்பாராத விதமாக ஆற்றின் ஆழமான பகுதியில் சென்று, நீரில் மூழ்கி உயிரிழந்தார். இந்த சம்பவம் அறிந்த மருதமுத்துவின் மனைவி பெருமாயி வயது 59 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், தீயணைப்புத் துறையினரை வரவழைத்து நீரில் மூழ்கி உயிரிழந்த மருதமுத்துவின் உடலை மீட்டு, உடற்கூறு ஆய்வுக்காக அரவக்குறிச்சி அரசு மருத்துவமனை சவக்கிடங்குக்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர் அரவக்குறிச்சி காவல் துறையினர்.