மரக்கன்றுகள் வழங்கும் விழா

நாம் தமிழர் கட்சியின் கடலூர் மாவட்ட சுற்றுச்சூழல் பாசறையின் சார்பில் விருத்தாசலம் நகரம் ஆலடி முடக்கு சாலையில் பொது மக்களுக்கு மரக்கன்றுகள் வழங்கும் விழா நடந்தது. நாம் தமிழர் கட்சியின் கடலூர் மாவட்ட சுற்றுச்சூழல் பாசறை செயலாளர் கதிர்காமன் தலைமை தாங்கினார். தொகுதி செயலாளர் ராஜேந்திரன், நகர பாசறை நிர்வாகி ஜெகநாதன் ஆகியோர் முன்னிலை வகித்தனர். மாநில கலை இலக்கிய பண்பாட்டு பாசறையின் மாநில ஒருங்கிணைப்பாளர் ஊமைத்துரை, மத்திய சென்னை மாவட்ட செயலாளர் முருகேசன் ஆகியோர் கலந்துகொண்டு 500 பேருக்கு மா பலா கொய்யா வேம்பு நாவல் சீத்தா உள்ளிட்ட மரக்கன்றுகளை வழங்கினார்கள். இதில் நிர்வாகிகள் பலர் கலந்து கொண்டனர்.