சணப்பிரட்டியில் முதியவர் சென்ற சைக்கிள் மீது இளைஞர் ஓட்டிய டூவீலர் மோதி விபத்து.

சணப்பிரட்டியில் முதியவர் சென்ற சைக்கிள் மீது இளைஞர் ஓட்டிய டூவீலர் மோதி விபத்து. கரூர் மாவட்டம், எஸ்.வெள்ளாப்பட்டி அருகே உள்ள சணப்பிரட்டி பகுதியைச் சேர்ந்தவர் ரவி வயது 60. இவர் ஆகஸ்ட் 23ஆம் தேதி இரவு 8 மணி அளவில், கரூர் - திருச்சி பழைய சாலையில் அவரது சைக்கிளில் சென்று கொண்டிருந்தார் இவரது வாகனம் சணப்பிரெட்டி பஸ் ஸ்டாப் அருகே சென்றபோது, அதே சாலையில் கரூர், கட்டளை ரங்கநாதபுரம் பகுதியைச் சேர்ந்த சதீஷ் வயது 24 என்பவர் வேகமாக ஓட்டி வந்த டூ வீலர் முதியவர் ரவி ஓட்டிச் சென்ற சைக்கிள் மீது மோதி விபத்து ஏற்பட்டது. இந்த விபத்தில் சைக்கிளுடன் கீழே விழுந்த ரவிக்கு தலை, முன்நெற்றி, வலது கால் உள்ளிட்ட பகுதிகளில் பலத்த காயம் ஏற்பட்டு, உடனடியாக அவரை மீட்டு கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இதேபோல டூவீலரில் வந்த சதீஷ் வாகனத்துடன் கீழே விழுந்ததில் தலையில் அடிபட்டதால், அவரையும் மீட்டு கரூரில் உள்ள ராஜ் ஆர்த்தோ மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த ரவியின் மனைவி ரேவதி வயது 45 என்பவர் அளித்த புகாரின் பேரில் சம்பவ இடத்திற்க்கு சென்று விசாரணை கொண்ட காவல்துறையினர், இது தொடர்பாக டூவீலரை வேகமாகவும், அஜாக்கிரதையாகவும் ஓட்டி விபத்து ஏற்பட காரணமான சதீஷ் மீது வழக்கு பதிவு செய்துள்ளனர் பசுபதிபாளையம் காவல்துறையினர்.