மகாதானபுரம் பிரிவு சாலை அருகே நடந்து சென்றவர் மீது அடையாளம் தெரியாத வாகனம் மோதி உயிரிழப்பு.

மகாதானபுரம் பிரிவு சாலை அருகே நடந்து சென்றவர் மீது அடையாளம் தெரியாத வாகனம் மோதி உயிரிழப்பு. ஆகஸ்ட் 22ஆம் தேதி இரவு 11-45 மணியளவில், கரூர் மாவட்டம் லாலாபேட்டை காவல் நிலைய எல்லைக்குட்பட்ட மகாதானபுரம் பிரிவு சாலை அருகே, கரூர்- திருச்சி சாலையில் அடையாளம் தெரியாத, யாசகம் பெற்று வாழ்ந்த 30 - 40 வயது மதிக்கத்தக்க நபர் நடந்து சென்று கொண்டிருந்தார். அப்போது அந்த வழியாக வந்த அடையாளம் தெரியாத வாகனம் ஒன்று நடந்து சென்ற அடையாளம் தெரியாத நபர் மீது மோதி விட்டு நிற்காமல் மின்னல் வேகத்தில் சென்று விட்டது. இந்த சம்பவத்தில் தலையில் பலத்த காயம் அடைந்த அந்த அடையாளம் தெரியாத நபர்,சம்பவ இடத்திலேயே துடித்து துடித்து உயிரிழந்தார். இந்த சம்பவம் அறிந்த கரூர் மாவட்டம், கிருஷ்ணராயபுரம், வடக்கு மகாதானபுரம் கிராம நிர்வாக அலுவலர் அனிதா வயது 43 என்பவர், காவல் நிலையத்தில் அளித்த புகாரின் பேரில் சம்பவ இடத்திற்கு விரைந்து வந்த காவல்துறையினர், உயிரிழந்த அடையாளம் தெரியாத நபரின் உடலை மீட்டு, இறந்தவரை அடையாளம் காண்பதற்காக குளித்தலை அரசு மருத்துவமனை சவக்கிடங்கில் இருப்பு வைத்துள்ளனர். மேலும், இந்த சம்பவம் தொடர்பாக வழக்கு பதிவு செய்து, இறந்தவர் யார்? எந்த ஊரை சேர்ந்தவர்? அவரது உறவினர்கள் யார்? என்ற கோணத்தில் விசாரண மேற்கொண்டு வருகின்றனர் லாலாபேட்டை காவல் துறையினர்.