சேலத்தில் சிறுமியை கடத்தி சென்று குடும்பம் நடத்திய வாலிபர் கைது

சேலம் அழகாபுரம் பகுதியை சேர்ந்தவர் ஸ்ரீதர் (வயது 24). இவர் கடந்த 2 ஆண்டுகளுக்கு முன்பு 17 வயது சிறுமியை கடத்தி சென்றார். இதுகுறித்து சிறுமியின் பெற்றோர் அம்மாபேட்டை அனைத்து மகளிர் போலீஸ் நிலையத்தில் புகார் கொடுத்தனர். அதன்பேரில் போலீசார் கடத்தல் வழக்குப்பதிவு செய்து விசாரணை நடத்தி வந்தனர். இதற்கிடையில் ஸ்ரீதர் அந்த சிறுமியுடன் பனமரத்துப்பட்டி பகுதியில் குடும்பம் நடத்தி வருவதும், அவர்களுக்கு ஒரு குழந்தை இருப்பதும் தெரியவந்தது. இதையடுத்து ஸ்ரீதரை போலீசார் கைது செய்து விசாரணை நடத்தி வருகின்றனர்.