தமிழ்நாடு நெடுஞ்சாலை துறை சாலை பணியாளர் சங்கத்தின் சார்பில் கண்டன முழக்க போராட்டம்

பெரம்பலூர் நெடுஞ் சாலைத்துறை கோட்ட பொறியாளரை கண்டித்து தமிழ்நாடு நெடுஞ்சாலை துறை சாலை பணியாளர் சங்கத்தின் சார்பில் கண்டன முழக்க போராட்டம் நடைபெற்று வருகிறது. பெரம்பலூர் நெடுஞ்சாலை துறை கோட்ட பொறியாளர் அலுவலகம் முன்பு தமிழ்நாடு நெடுஞ்சாலைத்துறை சாலை பணியாளர்கள் சங்கத்தின் சார்பில் தொடர் கண்டன முழக்க போராட்டம் நடைபெற்று வருகிறது. இதில் பெரம்பலூர் நெடுஞ்சாலைத்துறை கோட்ட பொறியாளரின் பண்ணையார் தனம், ஆண்டான்அடிமை மனோபாவத்தை கண்டித்தும், சாலை பணியாளர்களின் நலன் குறித்த கோரிக்கை மனுவினை வாங்காமல் நிர்வாகிகளை அவமறியாதை செய்ததை கண்டித்தும், கோட்ட பொறியாளரின் தொழிற்சங்க விரோத போக்கை கண்டித்தும் நூற்றுக்கும் மேற்பட்டவர்கள் கோரிக்கைகளை வலியுறுத்தி முழக்கமிட்டவாறு, காத்திருப்பு போராட்டத்தில் ஈடுபட்டு வருகின்றனர். தமிழ்நாடு நெடுஞ்சாலை துறை சாலை பணியாளர்கள் சங்கத்தின் மாவட்ட தலைவர் ராஜ்குமார் தலைமையில் நடைபெற்று வரும் இந்த போராட்டத்தில் பல்வேறு தோழமை சங்கங்களின் நிர்வாகிகள், தமிழ்நாடு நெடுஞ்சாலைத்துறை சாலை பணியாளர் சங்கத்தின் நிர்வாகிகள் உறுப்பினர்கள் குடும்பத்துடன் பங்கேற்றுள்ளனர்...