பொத்தியபாளையம் ஊராட்சிக்கு விருது

காங்கேயம் ஊராட்சி ஒன்றியத்திற்கு உட்பட்ட சுமார் 15 ஊராட்சிகளில் சிறந்த ஊராட்சியாகவும் மாநில அளவில் தேர்ந்தெடுக்கப்பட்ட 3 ஊராட்சிகளில் ஒன்றாகவும் பொத்திபாளையம் ஊராட்சி தனியார் அறக்கட்டளையின் மூலம் தேர்வு செய்யப்பட்டு டாக்டர் அப்துல் கலாம் விருது பெற்றுள்ளது. சந்திரசேகர் என்பவர் இந்த ஊராட்சியில் போட்டியிட்டு வெற்றி பெற்று கடந்த 4 1/2 வருடங்களாக தலைவராக அனைத்து மக்களுக்கும் பாரபட்சம் இன்றி பணியாற்றி வருகிறார். இந்த நிலையில் கடந்த வாரம் சென்னையைச் சேர்ந்த தனியார் நிறுவனத்தினர் தமிழ்நாட்டில் உள்ள ஊராட்சிகளை பட்டியலிட்டு சிறந்த 3 ஊராட்சிகளில் ஒன்றாக பொத்தியபாளையம் ஊராட்சியை தேர்வு செய்து விருது வழங்கினார். இதனை தொடர்ந்து பொத்தியபாளையம் ஊராட்சியை சேர்ந்த பொதுமக்களும் மற்ற ஊராட்சி தலைவர்களும் பொத்திபாளையம் ஊராட்சித் தலைவருக்கு பாராட்டுகளை தெரிவித்து வருகின்றனர்.