விருத்தாசலத்தில் வேன் கவிழ்ந்து விபத்து

விழுப்புரம் மாவட்டம் கண்டாச்சிபுரம் ஓடவன் குப்பம் கிராமத்தைச் சேர்ந்த 13 பேர் ஒரு வேனில் வேளாங்கண்ணி மாதா கோவிலுக்கு இன்று காலையில் சென்று கொண்டிருந்தனர். விருத்தாசலம் கார்குடல் அருகே சென்று கொண்டிருந்தபோது திடீரென குறுக்கே ஒரு கார் வந்ததால் அந்த காரின் மீது மோதாமல் இருப்பதற்காக ஓட்டுனர் வேனை திருப்பியபோது கட்டுப்பாட்டை இழந்த வேன் திடீரென சாலையோரம் இருந்த மரத்தின் மீது மோதி சாய்ந்தது. இதில் வேனில் பயணம் செய்த பெண்கள் சிறுவர் உள்ளிட்ட 10 பேர் காயமடைந்தனர். தகவல் கிடைத்து விரைந்து சென்ற விருத்தாசலம் போலீசார் காயமடைந்தவர்களை மீட்டு விருத்தாசலம் அரசு மருத்துவமனைக்கு சிகிச்சைக்காக அனுப்பி வைத்தனர். இந்த விபத்து குறித்து விசாரணை நடத்தி வருகின்றனர்.