காவலர்களை நேரில் பாராட்டிய தலைவர்

திருநெல்வேலி மாவட்டம் பணகுடி காவல் நிலைய சரகத்துக்குட்பட்ட பகுதியில் 23-ஆண்டுகளாக வழக்கு விசாரணைக்கு ஆஜராகாமல் இருந்த கொலை வழக்கின் எதிரியை கைது செய்து நடவடிக்கை எடுக்க காரணமாக இருந்த உதவி ஆய்வாளர் வினுகுமார் மற்றும் தலைமை காவலர் மகாராஜன், முதல் நிலை காவலர் சுரேஷ் ஆகியோரையும், அதேபோல், ராதாபுரம் காவல் நிலைய சரகத்திற்குட்பட்ட கடந்த 2019- ஆம் ஆண்டு தந்தையே மகனை கொலை செய்த வழக்கில் சாட்சிகளை நீதிமன்றத்தில் விரைவாக ஆஜர் படுத்தி எதிரிக்கு ஆயுள் தண்டனை மற்றும் ரூபாய் 1000/- அபராதமும் பெற்றுக் கொடுத்த பெண் தலைமை காவலர் சரவணாதேவி என்பவரையும், திருநெல்வேலி சரக காவல்துறை துணை தலைவர் முனைவர். பா.மூர்த்தி நேற்று திருநெல்வேலி சரக காவல்துறை அலுவலகத்திற்கு நேரில் அழைத்து மாவட்டத்தில் சிறப்பாக பணிபுரிந்ததை பாராட்டி நற்சான்றிதழ் மற்றும் வெகுமதி வழங்கினார். அப்போது திருநெல்வேலி மாவட்ட காவல் கண்காணிப்பாளர் சிலம்பரசன் மற்றும் காவல் அதிகாரிகள் உடன் இருந்தனர்.