வெள்ளியணை தாயும்,மகளும் சென்ற டூவீலர் கட்டுப்பாட்டை இழந்து கீழே விழுந்து விபத்து.

வெள்ளியணை தாயும்,மகளும் சென்ற டூவீலர் கட்டுப்பாட்டை இழந்து கீழே விழுந்து விபத்து. கரூர் மாவட்டம், செல்லாண்டிபட்டி அருகே உள்ள திருமலைநாதன்பட்டி பகுதியைச் சேர்ந்தவர் தியாகராஜன் மனைவி விசாலாட்சி வயது 40. இவரது மகள் சௌமியா வயது 20. இவர்கள் இருவரும் ஆகஸ்ட் 26 ஆம் தேதி மாலை 5 மணி அளவில், ஜெகதாபியில் இருந்து வெள்ளியனை செல்லும் சாலையில் சென்று கொண்டிருந்தனர். டூவீலரை சௌமியா ஓட்டிச் சென்றார். இவர்களது வாகனம் வெள்ளியணை நர்சரி கார்டன் அருகே சென்றபோது, டூவீலரை வேகமாக இயக்கியதால், கட்டுப்பாட்டை இழந்து கீழே விழுந்து விபத்து ஏற்பட்டது. இந்த விபத்தில் பின்னால் அமர்ந்து வந்த சௌமியாவின் தாயார் விசாலாட்சிக்கு பின்னந் தலையில் பலத்த காயம் ஏற்பட்டது. உடனடியாக அவரை மீட்டு தனியார் ஆம்புலன்ஸ் மூலம் கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக விசாலாட்சி அளித்த புகாரில், டூ வீலரை ஓட்டி விபத்து ஏற்பட காரணமான மகள் சௌமியா மீது வழக்கு பதிவு செய்துள்ளனர் வெள்ளியனை காவல்துறையினர்.