சாலை பாதுகாப்பு விழிப்புணர்வு பேரணி

நாமக்கல் மாவட்டம் திருச்செங்கோடு வட்டார போக்குவரத்து அலுவலகத்தின் சார்பில் திருச்செங்கோடு விவேகானந்தா கலை மற்றும் அறிவியல் பெண்கள் கல்லூரியில் சாலை பாதுகாப்பு விழிப்புணர்வு கருத்தரங்கம் மற்றும் சாலை பாதுகாப்பு விழிப்புணர்வு பேரணி நடைபெற்றது. இந்த நிகழ்ச்சியை கல்லூரி முதல்வர் பேபி சகிலா துவக்கி வைத்தார் மேலும் வட்டார போக்குவரத்து அலுவலர் சரவணன் மாணவியர்களுக்கு சாலை பாதுகாப்பு மற்றும் விதிமுறைகள் குறித்து விளக்கமாக எடுத்துரைத்தார். மேலும் செஞ்சிலுவை சங்க உதவி ஒருங்கிணைப்பாளர் ராஜேஷ் கண்ணன் உடன் சாலை பாதுகாப்பு குறித்து சிறப்பு பேச்சாளராக மதுரை நரசிம்மமணி அவர்கள் மாணவ மாணவிகளுக்கு சாலை பாதுகாப்பு விழிப்புணர்வு ஏற்படுத்தினார். தொடர்ந்து சாலை பாதுகாப்பு விழிப்புணர்வு பேரணியை வட்டாரப் போக்குவரத்து அலுவலர் சரவணனன் அவர்கள் கொடியசைத்து துவக்கி வைத்தார் இந்த நிகழ்வில் 300-க்கும் மேற்பட்ட மாணவிகள் கல்லூரி பேருந்து ஓட்டுனர்கள் மற்றும் ஆசிரிய பெருமக்கள் கலந்து கொண்டனர்