ரயிலில் அபாய சங்கிலியை இழுத்த பெண்

திருநெல்வேலி சந்திப்பு ரயில் நிலையத்திலிருந்து நேற்று மாலை செங்கோட்டைக்கு செல்லும் பயணிகள் ரயில் புறப்பட்டது. இந்த ரயிலானது டவுன் ரயில்வே கேட் அருகே சென்றபோது ஒரு பெண்ணின் கையில் இருந்த பை கீழே தவறி விழுந்துள்ளது. இதனால் பையை எடுப்பதற்காக ரயிலின் அபாய சங்கிலியை பிடித்து இழுத்து ரயிலை அப்பெண் நிறுத்தியுள்ளார். இது குறித்து அறிந்து அங்கு வந்த டிக்கெட் பரிசோதகர் சம்பவம் குறித்து பெண்ணிடம் விசாரணை நடத்தினார். பின்னர் அந்த பெண் உரிய வாக்குமூலம் கொடுத்ததற்கு பின்பு ரயில் புறப்பட்டு சென்றது. இதனால் ரயிலில் சிறிது நேரம் பரபரப்பு ஏற்பட்டது.