புதிதாக பொறுப்பேற்றுக் கொண்ட இன்ஸ்பெக்டர்.

பரமத்திவேலூர், ஆக.31- நாமக்கல் மாவட்டம், பரமத்தி வேலூர் தாலுகா, பரமத்தி போலீஸ் நிலையத்தில் புதிதாக பொறுப்பேற்றுக் கொண்ட இன்ஸ்பெக்டருக்கு சப் இன்ஸ்பெக்டர்கள், போலீசார் மற்றும் பொதுமக்கள் வாழ்த்து தெரிவித்தனர். சேலம் மாவட்டம், ஆயில்பட்டி போலீஸ் நிலையத்தில் இன்ஸ்பெக்டராக பணியாற்றி வந்த இந்திராணி  பணிமாறுதல் செய்யப்பட்டு பரமத்தி போலீஸ் நிலையத்தில் இன்ஸ்பெக்டராக வியாழக்கிழமை பொறுப்பேற்றுக்கொண்டார். பரமத்தி போலீஸ் நிலையத்தில் பணியாற்றி வந்த இன்ஸ்பெக்டர் கணேஷ்குமார் கிருஷ்ணகிரி மாவட்டம், தேன்கனிக்கோட்டை  போலீஸ் நிலையத்திற்கு பணி மாறுதல் செய்யப்பட்டுள்ளார். பரமத்தி போலீஸ் நிலையத்தில் புதிதாக பொறுப்பேற்றுக் கொண்ட இன்ஸ்பெக்டர் இந்திராணிக்கு சப் இன்ஸ்பெக்டர்கள், போலீசார்  மற்றும் பொதுமக்கள் வாழ்த்து தெரிவித்தனர்.