ஆர்.என்.ஆக்ஸ்போர்டு பள்ளி மாணவ,மாணவிகள் வந்தே பாரத் ரயில் பயணம்.

பரமத்தி வேலூர்,ஆக.31: மதுரையில் காணொளி காட்சி மூலம் பிரதம மந்திரி மோடி வந்தே பாரத் ரயிலை இன்று துவக்கி வைத்தார். இந்த ரயிலானது மதுரை, திண்டுக்கல், திருச்சி, கரூர், நாமக்கல், சேலம் வழியாக பெங்களூர் செல்கிறது. நாமக்கல் வந்தடைந்த இந்த ரயிலில் பள்ளி மாணவர்களை அழைத்து செல்ல பாண்டமங்கலம் ஆர்.என்.ஆக்ஸ்போர்டு பள்ளி நிர்வாகம் ஏற்பாடு செய்திருந்தது. இதில் கரூரில் இருந்து நாமக்கல் வழியாக சேலம் ரயில் நிலையம் வரை பள்ளி மாணவ,மாணவிகளை அழைத்துச் சென்றனர். 100-க்கும் மேற்பட்டோர் பயணித்து மகிழ்ச்சியடைந்தனர். உடன் ஆர்.என்.ஆக்ஸ்போர்டு பள்ளி நிர்வாகிகள் உட்பட ஆசிரிய,ஆசிரியர்கள் பயணம் செய்தனர்.