சி.கூடலூரில் டூவீலர்கள் நேருக்கு நேர் மோதல். ஒருவர் படுகாயம். காவல்துறை வழக்கு பதிவு.

சி.கூடலூரில் டூவீலர்கள் நேருக்கு நேர் மோதல். ஒருவர் படுகாயம். காவல்துறை வழக்கு பதிவு. ஈரோடு மாவட்டம் கொடுமுடி சிவசக்தி நகர் அருகே உள்ள செந்தில்நாதன் கேம்பஸ் பகுதியைச் சேர்ந்தவர் சௌந்தரராஜன் மகன் கௌதம்ராஜ். வயது 28. இவர் ஆகஸ்ட் 30 ஆம் தேதி இரவு 7:30 மணி அளவில் சின்னதாராபுரத்தில் இருந்து தென்னிலை செல்லும் சாலையில் அவரது டூவீலரில் சென்று கொண்டிருந்தார். இவரது வாகனம் அப்பகுதியில் உள்ள சி கூடலூர் அருகே செல்லும்போது எதிர் திசையில் TN 57 AW 3074 என்ற எண் கொண்ட மற்றொரு டூவீலர், கௌதம்ராஜ் ஓட்டி சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் கௌதம்ராஜ் வாகனத்துடன் கீழே விழுந்ததில், வலது கை, இடது கால் உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் ஈரோட்டில் உள்ள லோட்டஸ் மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த கௌதம் ராஜின் தந்தை சௌந்தர்ராஜன் அளித்த புகாரின் பேரில்,சம்பவ இடத்துக்கு சென்று விசாரணை மேற்கொண்ட காவல்துறையினர், விபத்து ஏற்படும் வகையில் டூவீலரை ஓட்டி வந்த மற்றொரு டூவீலர் ஓட்டுனர் மீது வழக்கு பதிவு செய்துள்ளனர் சின்னதாராபுரம் காவல் துறையினர்.