அம்மன் திருமண மண்டபம் அருகே நடந்து சென்றவர் மீது டூவீலர் மோதி விபத்து.

அம்மன் திருமண மண்டபம் அருகே நடந்து சென்றவர் மீது டூவீலர் மோதி விபத்து. கரூரை அடுத்த ஆண்டாங் கோவில் மேற்கு, தங்கம் நகர், பாலிடெக்னிக் கீழ்புறம் பகுதியைச் சேர்ந்தவர் மணிவேல் வயது 47. இவர் ஆகஸ்ட் 31 ஆம் தேதி இரவு 7:45 மணியளவில் ஈரோடு - கரூர் சாலையில் நடந்து சென்று கொண்டிருந்தார். இவர் அப்பகுதியில் உள்ள அம்மன் திருமண மண்டபம் எதிரே நடந்து வந்த போது, கரூர் மாவட்டம், புகலூர் தாலுக்கா, காமதேனு நகர் பகுதியைச் சேர்ந்த பிரியா சங்கர் பாண்டே என்பவர் வேகமாக ஓட்டி வந்த டூ வீலர், நடந்து சென்ற மணிவேல் மீது மோதி விபத்து ஏற்பட்டது. உடனடியாக அவரை மீட்டு தனியார் ஆம்புலன்ஸ் மூலம் கரூர் அமராவதி மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த மணிவேல் மனைவி கலையரசி வயது 42 என்பவர் அளித்த புகாரின் பேரில், சம்பவ இடத்துக்குச் சென்ற விசாரணை மேற்கொண்ட காவல்துறையினர் டூவீலரை வேகமாகவும் கவனக்குறைவாகவும் ஓட்டி விபத்து ஏற்பட காரணமான பிரியா சங்கர் பாண்டே மீது வழக்கு பதிவு செய்துள்ளனர் கரூர் மாநகர காவல் துறையினர்.