பாலவிடுதியில் எம்எல்ஏ வை நடனமாடி வரவேற்ற பள்ளி மாணவி.

பாலவிடுதியில் எம்எல்ஏ வை நடனமாடி வரவேற்ற பள்ளி மாணவி. கரூர் மாவட்டம், கடவூர் தாலுக்கா, பாலவிடுதி அரசு மேல்நிலைப் பள்ளியில், தமிழக அரசின் விலையில்லா மிதிவண்டி வழங்கும் நிகழ்வு பள்ளியின் தலைமை ஆசிரியர் கணேசன் தலைமையில் நடைபெற்றது. இந்த நிகழ்ச்சியில் பங்கேற்று பள்ளியில் பயிலும் மாணாக்கர்களுக்கு தமிழக அரசின் விலையில்லா மிதிவண்டிகளை வழங்க சிறப்பு அழைப்பாளராக பங்கேற்றார் கிருஷ்ணராயபுரம் சட்டமன்ற உறுப்பினர் சிவகாமசுந்தரி. பள்ளிக்கு வருகை தந்த எம்எல்ஏ வை வரவேற்கும் விதமாக பள்ளியில் பயிலும் ஒன்பதாம் வகுப்பு மாணவி பவ்யஸ்ரீ வரவேற்பு பாடலுக்கு ஏற்றவாறு அபிநயம் செய்து, நடனம் ஆடி எம்எல்ஏ சிவகாமசுந்தரிக்கு வரவேற்பு தெரிவித்தார். பள்ளி மாணவியின் வரவேற்பு நடனத்தை கண்டு அனைவரும் அவரை உற்சாகப்படுத்தி கரவொலி எழுப்பினர். இந்த நிகழ்ச்சியில் கடவூர் திமுக தெற்கு ஒன்றிய செயலாளர் சுதாகர், மாவத்தூர் ஊராட்சி மன்ற தலைவர் செந்தில் மோகன், உதவி தலைமை ஆசிரியர் ஆனந்த், பள்ளியின் இருபால் ஆசிரியர்கள் மற்றும் மாணவ- மாணவிகள் கலந்து கொண்டு சிறப்பித்தனர்.