ஊத்தங்கரையில் பெட்ரோல் ஊற்றிக் கொண்டு பெண் தர்ணா

ஊத்தங்கரையில் பெட்ரோல் ஊற்றிக் கொண்டு பெண் தர்ணா கிருஷ்ணகிரி மாவட்டம், ஊத்தங்கரை அடுத்த, நடுப்பட்டி கிராமத்தைச் சார்ந்த நல்ல தம்பியின் மனைவி விசாலாட்சி,29, இவர், ஊத்தங்கரை ரவுண்டானாவில் உடல் முழுவதும் பெட்ரோலை ஊற்றிக் கொண்டு சாலையில் அமர்ந்து தர்ணா போராட்டத்தில் ஈடுபட்டார். நேற்று முன்தினம் எட்டிப்பட்டி கிராமத்தைச் சார்ந்த தமிழரசன் மற்றும் அவரது உறவினர்களுக்கும். முனியம்மாள் மற்றும் நாகராஜ் இரு தரப்பினர் இடையே மீன் பிடித்தது தொடர்பாக சண்டை ஏற்பட்டது.இதில் இரு தரப்பினரும் ஊத்தங்கரை அரசு மருத்துவமனையில் அனுமதிக்கப்பட்டனர். இது தொடர்பாக, தர்மபுரி மாவட்டம், கோட்டப்பட்டி போலீஸ் ஸ்டேஷனில் வழக்கு பதிவு செய்துள்ளனர். நேற்று, விசாரிப்பதாக கூறி கோட்டப்பட்டி போலீசார் முனியம்மாளை விசாரணைக்காக அழைத்துச் சென்றனர். தனது தாயை விடக்கோரி முனியம்மாளின் மகள் விசாலாட்சி உடல் முழுவதும் பெட்ரோல் ஊற்றிக் கொண்டு அவருடைய சகோதரர் பிரசாந்த்துடன் ,26 , ஊத்தங்கரை ரவுண்டானாவில் தர்ணாவில் ஈடுபட்டார். சம்பவ இடத்திற்கு வந்த ஊத்தங்கரை போலீசார் அவர்களை போலீஸ் ஸ்டேஷனுக்கு அழைத்துச் சென்று விசாரித்து வருகின்றனர். இதனால் சிறிது நேரம் போக்குவரத்து பாதிக்கப்பட்டது.