உடுமலையில் ஒழுங்குமுறை விற்பனை கூடத்தில் கொப்பரை ஏலம்

உடுமலை ஒழுங்குமுறை விற்பனை கூடத்தில் வாரந்தோறும் வியாழக்கிழமை இ-நாம் திட்டத்தின் கீழ் மறைமுக கொப்பரை ஏலம் நடைபெற்று வருகிறது.இன்று நடைபெற்ற ஏலத்திற்கு விளாமரத்துபட்டி,உடுமலை, புக்குளம், பணத்தம்பட்டி, சுண்டக்காம்பாளையம், குறிஞ்சேரி பகுதியைச் சேர்ந்த 17 விவசாயிகள் 92 மூட்டை அளவுள்ள 4 ஆயிரத்து 600 கிலோ கொப்பரையை கொண்டு வந்திருந்தனர். இதில் 10 வியாபாரிகள் கலந்து கொண்டு ஏலம் எடுத்தனர்.அதன்படி முதல் தர கொப்பரை ரூ 101 முதல் ரூ 103.25 வரையிலும் 2-ம் தர கொப்பரை ரூ 78.88 முதல் ரூ 94.11 வரையில் ஏலம் போனது.இந்த தொகையானது விவசாயிகள் வங்கிக் கணக்கில் நேரடியாக வரவு வைக்கப்படுகிறது.இதனால் விவசாயிகளுக்கு கூடுதல் வருமானம் கிடைப்பதால் மறைமுக ஏலத்திற்கு அதிகளவில் கொப்பரையை கொண்டு வருகின்றனர். கூடுதல் விவரங்களுக்கு 9443962834 என்ற எண்ணில் விவசாயிகள் தொடர்பு கொள்ளுமாறு அதிகாரிகள் தெரிவித்து உள்ளனர்