விருத்தாசலம் அருகே தனியார் கல்லூரி மாணவி மாயம்

விருத்தாசலம் அடுத்த ஸ்ரீமுஷ்ணம் பகுதியை சேர்ந்தவர் செல்வமணி இவரது மகள் ஷர்மிளா (21). இவர் விருத்தாசலம் அருகே உள்ள தனியார் கல்லூரியில் ஒன்றில் படித்து வருகிறார். இந்நிலையில் நேற்று காலை தேர்வு எழுதிவிட்டு வருவதாக கூறி வீட்டை விட்டு கல்லூரிக்கு சென்றவர் திரும்ப வீடு வரவில்லை. தோழிகள் வீடுகள், உறவினர்கள் வீடுகள் உள்ளிட்ட பல இடங்களில் தேடியும் அவர் கிடைக்கவில்லை. இது குறித்து அவரது தந்தை செல்வமணி விருத்தாசலம் போலீஸ் நிலையத்தில் கொடுத்த புகாரின் பேரில் விருத்தாசலம் போலீசார் வழக்கு பதிவு செய்து விசாரணை நடத்தி வருகின்றனர்.