விருத்தாசலத்தில் முன்னாள் காங்கிரஸ் கட்சி மாவட்ட பொது செயலாளர் ஆசிரியர் ஜெகநாதன் உருவ படத்திறப்பு விழா

விருத்தாசலத்தில் ஓய்வு பெற்ற ஆசிரியரும், முன்னாள் காங்கிரஸ் கட்சி மாவட்ட பொதுச் செயலாளரும், தமிழக ஆரம்ப பள்ளி ஆசிரியர் கூட்டணி முன்னாள் தலைவருமான ஆசிரியர் ஜெகநாதன் மறைவையொட்டி அவரது உருவ பட திறப்பு விழா நடைபெற்றது. இந்நிகழ்ச்சிக்கு விருத்தாசலம் எம்எல்ஏ ராதாகிருஷ்ணன் தலைமை தாங்கினார். எழுத்தாளர் இமயம், நகர்மன்ற தலைவர் டாக்டர் சங்கவி முருகதாஸ், திமுக மாவட்ட ஆதிதிராவிடர் நலக்குழு அமைப்பாளர் ராமு, விசிக மாவட்ட செயலாளர் நீதிவள்ளல், காங்கிரஸ் கட்சி மாவட்ட செயலாளர் இருதயசாமி ஆகியோர் முன்னிலை வகித்தனர். முன்னதாக ஜெகநாதனின் மகனும் மாத்தூர் அரசு ஆரம்ப சுகாதார நிலைய சிறப்பு நிலை மருந்தாளுனர் மற்றும் தமிழ்நாடு அரசு மருந்தாளர் சங்கம் மாநில இணை செயலாளருமான சிவா (எ) சிவசங்கரன் அனைவரையும் வரவேற்றார். தொழிலாளர் நலன் மற்றும் திறன் மேம்பாட்டு துறை அமைச்சர் சி.வெ. கணேசன் சிறப்பு அழைப்பாளராக கலந்து கொண்டு மறைந்த ஜெகநாதன் அவர்களின் உருவப்படத்தை திறந்து வைத்து படத்துக்கு மலர் தூவி மரியாதை செலுத்தினார். இதில் ஜெயின் ஜீவல்லரி உரிமையாளர் அகர்சந்த், முன்னாள் எம்எல்ஏ கலைச்செல்வன், காங்கிரஸ் கட்சி நகரத் தலைவர் ரஞ்சித்குமார், காங்கிரஸ் வர்த்தக மாவட்ட தலைவர் சுப மணிகண்டன், விசிக மண்டல துணை செயலாளர் அய்யாயிரம், வழக்கறிஞர் சீனிவாசன், இந்திய குடியரசு கட்சி மாநில பொது செயலாளர் மங்காபிள்ளை, தமிழக வாழ்வுரிமைக் கட்சி இளையராஜா, நகர்மன்ற உறுப்பினர்கள் ஜெயலட்சுமி நம்பிராஜன், ஆட்டோ பாண்டியன், தங்க அன்பழகன், காங்கிரஸ் ராதாகிருஷ்ணன், கலாமணி, தீர்த்த லிங்கம் பன்னீர்செல்வம் இளங்கோ மணி, ராஜசேகர், லியோஸ்டேன்லி, செல்வராஜ், கோமங்கலம் ஊராட்சி மன்ற தலைவர் வீரபாண்டியன், சர்தார் பாஷா, குறிஞ்சி செல்வன், சந்திரகுமார், வீரமணி மற்றும் மகன்கள் ஆசிரியர் ஜெகதீசன், பாபு, மணிகண்டன், தர்மராஜா, இளையராஜா, உறவினர்கள் ஏவி கன்ஸ்ட்ரக்ஷன் அன்பழகன், பேரன் விக்னேஸ்வரன் மற்றும் உறவினர்கள் அரசியல் பிரமுகர்கள் பலர் கலந்து கொண்டனர். முடிவில் மங்கலம்பேட்டை அரசு ஆண்கள் மேல்நிலைப்பள்ளி வேளாண் ஆசிரியர் பாபாஜி நன்றி கூறினார்.