நாமக்கல் கவிஞர் நினைவு இல்ல நூலகத்தில் ஆசிரியர் தின விழா !

நாமக்கல் கவிஞர் நினைவு இல்ல நூலகத்தில் நூலக வாசகர் வட்டம், நாமக்கல் கவிஞர் சிந்தனை பேரவை சார்பில் ஆசிரியர் தின விழா, வ.உ.சிதம்பரனார் பிறந்தநாள் விழா, டாக்டர் ராதாகிருஷ்ணன் பிறந்த நாள் விழா சிறப்பாக செயல்பட்டுக் கொண்டிருக்கின்ற ஆசிரியர்களுக்கு விருது வழங்கும் விழா நடைபெற்றது.விழாவில் நூலகர் செல்வம் அனைவரையும் வரவேற்றார். மாவட்ட நூலக அலுவலர் (பொ) தேன்மொழி தலைமையேற்றார்.கவிஞர் நினைவு இல்ல நூலக வாசகர் வட்டத் தலைவர் டி.எம்.மோகன் அறிமுக உரை நிகழ்த்தினார்.நாமக்கல் மாவட்டக் கல்வி துணை ஆய்வாளர் கை.பெரியசாமி துவக்கவுரையாற்றினார்.முன்னாள் சட்டமேலவை உறுப்பினர் செ.முத்துசாமி நிகழ்ச்சிக்கு சிறப்பு விருந்தினராக கலந்து கொண்டு அனைவருக்கும் விருது வழங்கி பாராட்டினார்.ரெட்கிராஸ் மாவட்ட செயலாளர் ராஜேஷ்கண்ணன், பேராசிரியர் கந்தசாமி, ஆசிரியர்கள் சுமதி, தமிழ்ச்செல்வன், தங்கவேல் பூவராகவன் ஆகியோர் முன்னிலை வகித்தனர்.நிகழ்வின் தொடக்கத்தில் டாக்டர் ராதாகிருஷ்ணன் வ.உ.சிதம்பரனார் படத்துக்கு மாலை அணிவித்து மலர் தூவி மரியாதை செலுத்தப்பட்டது.நாமக்கல் மாவட்ட அளவில் ஆசிரியர் பணியை அறப்பணியாக ஏற்றுக் கொண்டு சிறப்பாக பணியாற்றிக் கொண்டிருக்கின்ற கொல்லிமலை அரியூர் கிழக்கு வளவு பள்ளி ஆசிரியர் கார்த்திகேயன் அவர்களுக்கு வ.உ. சிதம்பரனார் அர்ப்பணிப்பாசிரியர் விருது வழங்கி கெளரவிக்கப்பட்டது,நாமக்கல் அரசு ஆண்கள் மேல்நிலைப்பள்ளி முதுகலைஆசிரியர் ஜெகதீசன், சின்னமுதலைப்பட்டி ஊராட்சி ஒன்றிய தொடக்கப்பள்ளி தலைமையாசிரியர் சுஜாதா, மோகனூர் அரசு மாதிரி மேல்நிலைப்பள்ளி உதவி தலைமையாசிரியர் கோபாலகிருஷ்ணன், வையப்பமலை அரசு மேல்நிலைப்பள்ளி தலைமையாசிரியர் சாந்தாமணி, தொப்பப்பட்டி அரசு மேல்நிலைப்பள்ளி தலைமையாசிரியர் ஜோதி கண்மணி ஆகியோருக்கு இந்திய பெண்ணியத்தின் தாயார் சாவித்திரிபாய் புலே அர்ப்பணிப்பாசிரியர் விருது பாராட்டு சான்றிதழ் வழங்கி கெளரவிக்கப்பட்டது. நிகழ்வுக்கு சிறப்பு பேச்சாளராக பட்டிமன்ற புகழ் சேலம் கலையமுதன் அவர்கள் கலந்துகொண்டு "வாழ்க்கையை கொண்டாடுவோம்" என்ற தலைப்பில் சிறப்புரையாற்றினார். விருது பெற்றவர்களுக்கு நாமக்கல் கவிஞர் சிந்தனை பேரவை ஒருங்கிணைப்பாளர் தில்லை சிவக்குமார் பாராட்டுரை வழங்கினார். நடப்பாண்டில் தமிழக அரசின் நல்லாசிரியர் விருது பெற்ற எருமபட்டி அரசு மேல்நிலை பள்ளி தமிழாசிரியர் செல்வ.செந்தில்குமார் பாராட்டு செய்யப்பட்டது.நிகழ்ச்சிக்கு காமராசர் தொண்டர் ஏகாம்பரம், ரபி, ஜவகர், மூர்த்தி, கிருஷ்ணகுமார், செந்தில் உள்ளிட்ட ஆசிரியர்கள் பலரும் பொதுமக்களும் கலந்து கொண்டனர். இறுதியில் நாமக்கல் கவிஞர் சிந்தனை பேரவை பொருளாளர் திருக்குறள் ராசா நன்றி கூறினார்.