விருத்தாசலம் கொளஞ்சியப்பர் அரசு கலை கல்லூரியில் தமிழ்நாடு அரசு கல்லூரி ஆசிரியர்கள் கழகம் சார்பில் வாயில் முழக்க போராட்டம்

விருத்தாசலம் கொளஞ்சியப்பர் அரசு கலைக் கல்லூரியில் தமிழ்நாடு அரசு கல்லூரி ஆசிரியர் கழகம் சார்பில் பல்வேறு கோரிக்கைகளை வலியுறுத்தி வாயில் முழக்க போராட்டம் நடைபெற்றது. போராட்டத்திற்கு மண்டல தலைவர் மகேசன் தலைமை தாங்கினார். கிளை தலைவர் சுந்தரச் செல்வன், செயலாளர் முருகேசன், பொருளாளர் வேல்விழி, துணைத் தலைவர் ஹெலன் ரூத் ஜாய்ஸ், கருணாநிதி, பிரதீப் ஆகியோர் முன்னிலை வகித்தனர். தொடர்ந்து புதிய ஓய்வூதிய திட்டத்தை ரத்து செய்து பழைய ஓய்வூதிய திட்டத்தை அமல்படுத்த வேண்டும். கல்லூரி ஆசிரியர் காலிப் பணியிடங்களை நிரப்ப வேண்டும். ஓய்வு பெறும் வயதில் மாற்றுப் பணி வழங்குவதை நிறுத்தி மாற்று பணியை ரத்து செய்ய வேண்டும். புத்தொளி, புத்தாக்க பயிற்சிகளுக்கு கால நீட்டிப்பு வழங்க வேண்டும். பேராசிரியர்களுக்கு பணி மேம்பாடு வழங்கிட வேண்டும். யுஜிசி பரிந்துரையின்படி முனைவர் பட்டம் பெற்ற பேராசிரியர்களுக்கு ஊக்க ஊதியம் வழங்கிட வேண்டும். உள்ளிட்ட பல்வேறு கோரிக்கைகளை வலியுறுத்தி கல்லூரி நுழைவு வாயில் முன்பு நின்று கண்டன கோஷங்கள எழுப்பி ஆர்ப்பாட்டத்தில் ஈடுபட்டனர்