திருப்பத்தூரில் கிணற்றில் மூதாட்டி சடலம் மீட்பு

திருப்பத்தூர் மாவட்டம் திருப்பத்தூர் அருகே பிள்ளையார் கோயில் தெரு பகுதியில் உள்ள கிணற்றில் சடலமாக மீட்கப்பட்ட மூதாட்டி நகர போலீசார் விசாரணை* திரும்ப்பத்தூர் மாவட்டம் திருப்பத்தூர் நகராட்சிக்குட்பட்ட நான்காவது வார்டு பிள்ளையார் கோயில்தெரு பகுதியை சேர்ந்த பரமசிவம் என்பவரின் மனைவி ஜெயா(75) பரமசிவம் இறந்துவிட்ட நிலையில் ஜெயா மற்றும் அவரது மகன் சுரேஷ், மருமகள் தனம் ஆகிய மூன்று பேரும் ஒரே வீட்டில் வசித்து வந்துள்ளனர். இந்த நிலையில் அதே பகுதியை சேர்ந்த பழனிச்சாமி என்பவர் இன்று விடியற்காலை 5 மணியளவில் கிணற்றில் மோட்டார் போடுவதற்காக சென்றுள்ளார். அப்போது பைப் உடைந்த நிலையில் இருந்துள்ளது.உடைந்த பைப்பை சரிசெய்ய பழனிச்சாமி முயன்ற போது கிணற்றில் ஏதோ ஒரு உருவம் தெரிவது போன்று இருந்துள்ளது. பின்னர் இதுகுறித்து பழனிச்சாமி உடனடியாக திருப்பத்தூர் நகர காவல் நிலைய போலீசருக்கு தகவல் கொடுத்துள்ளனர். தகவலின் பேரில் கிணற்றில் போலீசார் வந்து பார்த்தபோது சடலம் மிதந்து கொண்டிருப்பது தெரியவந்தது. உடனடியாக தீயணைப்பு துறையிருக்கு தகவல் தெரிவிக்கப்பட்டு போலீசார் தீயணைப்பு துறை உதவியுடன் சடலத்தை மீட்டனர். அப்போது இறந்து கிடந்தது பரமசிவம் மனைவி ஜெயா என்ற மூதாட்டி என்பது தெரியவந்தது. அதனை தொடர்ந்து போலீசார் கடலத்தை பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்து இந்த சம்பவம் குறித்து வழக்கு பதிவு செய்து விசாரணை மேற்கொண்டு வருகின்றனர்.