ஜவகர் பஜாரில் நடந்து சென்ற பெண் மீது வேகமாக வந்த டூவீலர் நேருக்கு நேர் மோதி விபத்து பெண் படுகாயம்.

ஜவகர் பஜாரில் நடந்து சென்ற பெண் மீது வேகமாக வந்த டூவீலர் நேருக்கு நேர் மோதி விபத்து பெண் படுகாயம். கரூர் காந்திகிராமம், கணபதிபாளையம், தென்றல் நகர், மூன்றாவது கிராசை சேர்ந்தவர் சரவணன் மனைவி ஜெயந்தி வயது 43. இவர் செப்டம்பர் 10ஆம் தேதி காலை 8.30 மணி அளவில், கரூர் ஜவஹர் பஜார் சாலையில் நடந்து சென்று கொண்டிருந்தார். அப்போது, அப்பகுதியில் உள்ள தனியார் டெக்ஸ்டைல் நிறுவனத்திற்கு அருகாமையில் செல்லும்போது, எதிர் திசையில் கரூர், சணப்பிரெட்டி பகுதியைச் சேர்ந்த இரணியன் வயது 52 என்பவர் வேகமாக ஓட்டி வந்த டூ வீலர், நடந்து சென்று கொண்டிருந்த ஜெயந்தி மீது நேருக்கு நேர் மோதி விபத்து ஏற்பட்டது. இந்த விபத்தில் நிலை தடுமாறி கீழே விழுந்த ஜெயந்திக்கு வலது கால் முட்டியில் பலத்த காயங்கள் ஏற்பட்டதால், உடனடியாக அவரை மீட்டு, தனியார் ஆம்புலன்ஸ் மூலம் கரூரில் உள்ள தனியார் மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக ஜெயந்தி அளித்த புகாரில் டூவீலரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய இரணியன் மீது வழக்கு பதிவு செய்துள்ளனர் கரூர் மாநகர காவல் துறையினர்.