மர்ம விலங்கு கடித்து மூன்று ஆடுகள் பலி.!

சேலம் மாவட்டம், சங்ககிரி ஊராட்சி ஒன்றியத்திற்குட்பட்ட பகுதிகளில் மர்ம விலங்கு கடித்து ஆடுகள் பலியான நிலையில் வனத்துறையினர், வருவாய்த்துறையினர் ஆய்வு செய்து வருகின்றனர். சங்ககிரி அருகே கரட்டுபாளையம் பகுதியை சேர்ந்த விவசாயி கண்ணன் என்பவரது விவசாய நிலம் சூரிய மலையையொட்டி உள்ளது. அவரது தோட்டத்தில் ஆடு, மாடு, கோழிகள் உள்ளிட்டவைகள் வளர்த்து வருகிறார்.இந்த நிலையில் கடந்த சில நாட்களுக்கு முன்பு இவரது விவசாய தோட்டத்தில் கட்டப்பட்டிருந்த மூன்று ஆடுகளை மர்மவிலங்கு கடித்தால் காயம் ஏற்பட்டு உயிரிழந்ததுள்ளது. இதேபோல் கோபாலனூர், மொத்தையனூர் பகுதியில் விவசாயிகளின் தோட்டத்தில் கட்டிவைக்கப்பட்டிருந்த ஆடுகளை மர்ம விலங்கு கடித்து சென்றுள்ளது. மர்ம விலங்கு தொடர்ந்து விவசாய நிலத்தில் கட்டப்பட்டுள்ள ஆடுகளை கடித்து சென்று வருவதால் விவசாயிகள், பொதுமக்கள் மத்தியில் உச்சத்தை ஏற்படுத்தி உள்ளது. இது குறித்து வனத்துறை, வருவாய்த்துறையினர் விசாரணை மேற்கொண்டு வருகின்றனர்.