குண்டாசில் வாலிபர் கைது

ஆலங்குடியை அடுத்த ஆலங்காட்டை சேர்ந்தவர் குணசேகரன்(எ) சேகர் பாட்ஷா(40). இவர் கடந்த 6ம் தேதி பழைய கோர்ட் அருகே உள்ள கடையில் டீ குடித்துக் கொண்டிருந்தார். அப்போது அங்கு வந்த ஆலங்குடி கலிபுல்லா நகர் 3ம் வீதியை சேர்ந்த சிவா (28)என்பவர்மறைத்து வைத்திருந்த அரிவாளால் வெட்டினார். இதுகுறித்து ஆலங்குடி போலீசார் வழக்கு பதிந்து சிவாவை கைது செய்து சிறையில் அடைத்தனர். சிவாவின் குற்றசெயல்களை கட்டுப்படுத்தும் வகையில் அவரை குண்டர் தடுப்பு காவல் சட்டத்தின்கீழ் கைது செய்ய மாவட்ட எஸ்பி வந்திதா பாண்டே பரிந்துரை செய்தார். இதையடுத்து கலெக்டர் அருணா உத்தரவின்பேரில் சிவாவை குண்டர் தடுப்பு காவல் சட்டத்தின் கீழ் போலீசார் கைது செய்து திருச்சி மத்திய சிறையில் அடைத்தனர்.