திண்டுக்கல் அருகே ரயிலில் இருந்து தவறி விழுந்து வாலிபர் பலி

சென்னையில் இருந்து கன்னியாகுமரி வரை செல்லும் அனந்தபுரி எக்ஸ்பிரஸ் ரயில் திண்டுக்கல் வழியாக திண்டுக்கல்லை கடந்து மொட்டணம்பட்டி பகுதியில் சென்று கொண்டிருந்தபோது கன்னியாகுமரியை சேர்ந்த அர்ச்சுனன் மகன் பவனேஷ் என்பவர் எதிர்பாராதமாக நிலை தடுமாறி ரயிலில் இருந்து தவறி கீழே விழுந்து படுகாயம் அடைந்து சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்து சம்பவ இடத்திற்கு விரைந்து சென்ற திண்டுக்கல் ரயில்வே காவல் நிலைய சிறப்பு சப்-இன்ஸ்பெக்டர் மணிகண்டன், எஸ்.பி தனிப்பிரிவு காவலர் ராஜேஷ் குமார் ஆகியோர் பவனேஷின் உடலை மீட்டு பிரேத பரிசோதனைக்காக திண்டுக்கல் அரசு ஆஸ்பத்திரிக்கு அனுப்பி வைத்து வழக்கு பதிவு செய்து விசாரணை நடத்தி வருகின்றனர்.