பால் லாரி கவிழ்ந்து விபத்து

திருமயம்: மதுரையில் இருந்து பால் ஏற்றிக்கொண்டு புதுக்கோட்டை நோக்கி தனியார் டேங்கர் லாரி நேற்று காலை வந்துக்கொண்டிருந்தது. காரைக்குடி திருச்சி புறவழிச்சாலையில் திருமயத்தை அடுத்த புலிவலம் பஸ் நிறுத்தம் அருகே வந்தபோது, டிரைவரின் கட்டுப்பாட்டை இழந்து சாலையோரம் கவிழ்ந்தது. விபத்தை நேரில் பார்த்தவர்கள் உடனடியாக லாரிக்குள் சிக்கியிருந்த டிரைவர், கிளீனரை மீட்டனர். டிரைவருக்கு லேசான காயம் ஏற்பட்ட நிலையில், திருமயம் அரசு மருத்துவமனையில் சிகிச்சைக்காக அனுமதிக்கப்பட்டார். விபத்து காரணமாக அந்த பகுதியில் சிறிது நேரம் போக்குவரத்து பாதிக்கப் பட்டது. நமணசமுத்திரம் போலீசார் சம்பவ இடத்துக்கு வந்து போக்குவரத்தை ஒழுங்குப்படுத்தினர். தொடர்ந்து தனியார் பால் நிறுவனத்தில் இருந்து மாற்று வாகனம் வரவழைக்கப்பட்டு விபத்தில் சிக்கிய லாரியில் இருந்த பால் பாது காப்பாக மாற்றப்பட்டது. விபத்து குறித்து நமணசமுத்திரம் போலீசார் வழக்குப்பதிந்து விசாரணை நடத்தி வருகின்றனர்.