அரியலுாரில் இன்று வேலை வாய்ப்பு அரியலுாரில் இன்று வேலை வாய்ப்பு முகாம்

அரியலுாரில் இன்று 28ம் தேதி வேலை வாய்ப்பு முகாம் நடக்கிறது. கலெக்டர் பிரசாந்த் செய்திக்குறிப்பு: கள்ளக்குறிச்சி மாவட்ட நிர்வாகம், வேலை வாய்ப்பு மற்றும் தொழில் நெறி வழிகாட்டு மையம், நகர்ப்புற மற்றும் ஊரக வாழ்வதார இயக்கம் சார்பில் தனியார் துறை வேலை வாய்ப்பு முகாம் இன்று 28ம் தேதி நடக்கிறது. பகண்டை கூட்ரோடு அருகே உள்ள அரியலுார் அரசு மேல்நிலைப் பள்ளியில் காலை 9:00 மணி முதல் பிற்பகல் 3:00 மணி வரை நடக்கிறது. முகாமில் 100க்கும் மேற்பட்ட முன்னணி தனியார் நிறுவனங்கள் 10 ஆயிரத்திற்கும் மேற்பட்ட காலி பணியிடங்களுக்கு தகுதியுள்ள நபர்களை தேர்வு செய்ய உள்ளனர். முகாமில், 8ம் வகுப்பு, 10ம் வகுப்பு தேர்ச்சி, தோல்வி, 12ம் வகுப்பு, ஐ.டி.ஐ., டிப்ளமோ, இளநிலை, முதுநிலை மற்றும் பொறியியல் பட்டபடிப்பு உள்ளிட்ட கல்வி தகுதிகளுடையே 18 வயது முதல் 40 வயதிற்குட்பட்டவர்கள் பங்கேற்கலாம். இவ்வாறு செய்திக்குறிப்பில் கூறப்பட்டுள்ளது.