ரேஷன் கடை ஊழியருக்கு கிராமசபை கூட்டத்தில் பாராட்டு!

மடத்துக்குளம் சட்டமன்ற தொகுதி குருவப்ப நாயக்கனூரில் ரேஷன் கடை ஊழியராக பணியாற்றி வருபவர் சரவணன். பொதுமக்களுக்கு ரேஷன் கடையினுடைய பொருட்கள் இருப்பு குறித்து சுலபமான முறையில் அறிந்து கொள்ளும் வகையில் whatsapp குழு ஒன்றை அமைத்து அதில் தினசரி பொருட்களின் இருப்பு குறித்து பதிவிட்டு வருகிறார். இதனால் பொதுமக்கள் அதிக நேரம் காத்திருக்கக்கூடிய சூழ்நிலை தவிர்க்கப்படுவதாகவும் சுலபமான முறையில் பொருட்களை பெற முடிவதாகவும் பொதுமக்கள் மகிழ்ச்சி தெரிவிக்கின்றனர். மாற்றுத்திறனாளி ஆன சரவணன் பல்வேறு சமூக சேவைகளை செய்து வருகிறார் அதேபோல பல்வேறு மாற்றுத்திறனாளிகளுக்கு இயன்ற அளவிலான அத்தியாவசிய தேவைகளை பூர்த்தி செய்து சிறப்பாக செயல்பட்டு வருகிறார். இவரது சிறப்பான பணியை பாராட்டுவதாக நேற்று நடைபெற்ற ஊராட்சி மன்ற கிராம சபை கூட்டத்தில் சரவணனுக்கு சால்வை அணிவித்து பாராட்டுதல் தெரிவிக்கப்பட்டது.