பல்லடம் வனாலயத்தில் காந்தி ஜெயந்தி முன்னிட்டு சிறப்பு கருத்தரங்கம்

பல்லடம் வனாலயத்தில் காந்தி ஜெயந்தி முன்னிட்டு அம்மையப்பர் வனம் திட்டத்தின் சுய புகைப்பட சாவடி திறப்பு விழா... காந்தி ஜெயந்தி தினத்தை முன்னிட்டு பல்லடம் வனாலயத்தில் நடைபெற்ற சிறப்பு கருத்தரங்கில் திருப்பூர் சர்வோதயா சங்க செயலாளர் சரவணன் தலைமை விருந்தினராக கலந்து கொண்டார். தூத்துக்குடியைச் சார்ந்த இயற்கை உணவு பயிற்றுனர் மற்றும் காந்திய அன்பர் ஆணையப்பன் அவர்கள் சிறப்பு விருந்தினராக கலந்து கொண்டு அம்மையப்பர் வனம் திட்டத்தின் சுய புகைப்பட சாவடியை துவக்கி வைத்தார். இதன் தொடர்ச்சியாக வனம் அமைப்பின் செயலாளர் sky சுந்தர்ராஜன் அவர்கள் வரவேற்புரை வழங்கி உலக நலன் வேண்டி தவம் ஏற்றினார். பொருளாளர் விஸ்வநாதன் நன்றி உரை வழங்கினார். வனம் அமைப்பின் இணை செயலாளர் ஈஸ்வரமூர்த்தி நிகழ்ச்சியை ஒருங்கிணைப்பு செய்தார். இந்நிகழ்வில் வனம் அமைப்பின் தலைவர் சுவாதி சின்னசாமி, வனம் அமைப்பின் நிர்வாகிகள், இயக்குனர்கள், அறங்காவலர்கள், பல்லடம் ,கொடுவாய், கேத்தனூர் பகுதி சர்வோதயா சங்க உறுப்பினர்கள் கலந்து கொண்டனர்.