திருப்பத்தூரில் தமிழ்நாடு ஆரம்பப்பள்ளி ஆசிரியர்கள் சங்கத்தினர் ஆர்ப்பாட்டம்

திருப்பத்தூர் மாவட்டம் திருப்பத்தூரில் தமிழ்நாடு ஆரம்பப்பள்ளி ஆசிரியர்கள் சங்கத்தினர் ஆர்ப்பாட்டம் திருப்பத்துார் தாலுகா அலுவலகம் அருகே தமிழ்நாடு ஆரம்பப்பள்ளி ஆசிரியர்கள் கூட்டணி (டிஎன்பிடிஎப்) சார்பில், சாம்சங் நிறுவனத்தில் பணி புரியும் ஊழியர்கள் சங்கம் ஆரம்பிப்பதற்காக ஆதரவு தெரிவித்து ஆர்ப்பாட்டம் நடத்தினர். ஆர்ப்பாட்டத்துக்கு மாவட்ட செயலாளர் திருநாவுக்கரசு தலைமை வகித்தார். சிறப்பு அழைப்பாளர்களாக மாநிலச் செயலாளர் ஞானசேகர், மாவட்ட தலைவர் பாபு கலந்து கொண்டு சாம்சங் நிறுவன ஊழியர்களுக்கு ஆதரவாக கோஷம் எழுப்பினர். இதில், மேல்நிலைப்பள்ளி தலைமை ஆசிரியர் சங்க மாவட்ட தலைவர் கார்த்திகேயன், மத்திய மாநில ஓய்வு பெற்றோர் சங்க மாவட்ட செயலாளர் ரவி, நிர்வாகிகள் கேசவன், சிவகுமார், திருப்பதி, வெங்கடேசன், சத்யாவதி உள்ளிட்ட பலர் கலந்து கொண்டனர்.மாநில செயற்குழு உறுப்பினர் அறிவழகன் நன்றி கூறினார்.