கரூரில் இரவு நேரத்தில் டூவீலரில் பெட்ரோல் திருட்டு சமூக வலைத்தளத்தில் வைரலாகும் வீடியோ.

கரூரில் இரவு நேரத்தில் டூவீலரில் பெட்ரோல் திருட்டு சமூக வலைத்தளத்தில் வைரலாகும் வீடியோ. கரூர் மாநகராட்சிக்குட்பட்ட காமராஜர் மார்க்கெட் அருகே உள்ளது காசிம் தெரு. மிகவும் குறுகலான இந்த தெருவில் வசிக்கும் மக்கள், தாங்கள் பயன்படுத்தி வரும் இருசக்கர வாகனங்களை வீட்டின் முன்பு நிறுத்திவிட்டு, இரவு நேரத்தில் உறங்கச் செல்வது வழக்கம். இந்நிலையில் இரவு நேரத்தில் அடையாளம் தெரியாத நபர் ஒருவர் அந்த தெருவை நோட்டமிடுவதும், பிறகு நிறுத்தப்பட்டு இருக்கும் டூவீலர்களை கண்காணிப்பதும், அதன் பிறகு அந்த வாகனத்தின் அருகே சென்று பெட்ரோல் திருடும் காட்சிகள் அப்பகுதியில் பொருத்தப்பட்டிருந்த சிசிடிவி கேமராவில் பதிவாகி இருந்தது. இந்த காட்சிகள் தற்போது கரூர் மாவட்டத்தில் உள்ள சமூக வலைதள குழுவில் வைரலாகி வருகிறது. மேலும், இது போன்ற திருட்டுக்களை காவல்துறையினர் கண்டுபிடித்து, குற்றவாளிகளை கைது செய்ய வேண்டும் என்ற கோரிக்கையும் எழுந்துள்ளது.